Apaar ID: देशभरातील विद्यार्थ्यांसाठी एक महत्त्वाचा आणि दूरदृष्टीचा प्रकल्प कार्यान्वित केला जात आहे. ‘अपार आयडी’ म्हणजे ‘ऑटोमेटेड पर्मनंट अॅकॅडमिक अकाउंट रजिस्ट्री’, जो प्रत्येक विद्यार्थ्याचा अद्वितीय शैक्षणिक क्रमांक असेल. आधार कार्डप्रमाणेच, हे 12-अंकी क्रमांकयुक्त कार्ड विद्यार्थ्यांच्या शैक्षणिक प्रवासाची पूर्ण माहिती जतन करेल.
देशभरातील विद्यार्थ्यांसाठी केंद्र सरकारने सुरू केलेल्या ‘अपार आयडी’ (Automated Permanent Academic Account Registry) या उपक्रमामुळे प्रत्येक विद्यार्थ्याला 12 अंकी ओळख क्रमांक मिळणार आहे. हा क्रमांक ‘वन नेशन, वन स्टुडंट आयडी’ म्हणून ओळखला जाईल. यामुळे विद्यार्थ्यांच्या शैक्षणिक रेकॉर्डचा ट्रॅक ठेवणे सोपे होणार आहे.
Apaar ID: ‘अपार आयडी’ म्हणजे काय?
‘अपार आयडी’ हा देशातील पूर्व प्राथमिक शिक्षणापासून ते उच्च शिक्षणापर्यंत प्रत्येक विद्यार्थ्याला कायमस्वरूपी शैक्षणिक ओळख देणारा क्रमांक आहे. ‘युनिफाइड डिस्ट्रिक्ट अँड इन्फर्मेशन सिस्टीम फॉर एज्युकेशन प्लस’ (UDISE+) या पोर्टलवर सध्या विद्यार्थ्यांचे नोंदवलेले व्यक्तिगत शैक्षणिक क्रमांक (PEN) आता अपार आयडीने बदलले जातील.
Apaar ID: अपार आयडीचे महत्त्वपूर्ण फायदे
- शाळेतील बदल सुलभ: शाळा बदलताना किंवा महाविद्यालयीन प्रवेशासाठी अपार आयडीचा उपयोग करून शैक्षणिक माहिती सहज उपलब्ध होईल.
- ऑनलाईन निकाल पाहण्याची सोय: विद्यार्थ्यांचे परीक्षा निकाल आणि इतर तपशील 12-अंकी आयडीवर उपलब्ध राहतील.
- परिवहन सवलती: राज्य परिवहन महामंडळाच्या सवलतीत प्रवास योजनांमध्ये हे कार्ड ग्राह्य धरले जाईल.
- संग्रहालये आणि सरकारी सुविधा: सरकारी संग्रहालये आणि शैक्षणिक सहलींमध्ये मोफत प्रवेशाचा लाभ मिळेल.
- शैक्षणिक साहित्याचा पुरवठा: गरजू विद्यार्थ्यांना मोफत वह्या, पुस्तके आणि स्टेशनरी दिली जाईल.
- शिष्यवृत्ती प्रक्रिया सुलभ: आर्थिक दुर्बल विद्यार्थ्यांना शिष्यवृत्ती देण्यासाठी आधार कार्ड व अपार आयडी जोडणी केली जाईल.
- बँक खात्याचा सहज उपयोग: शिष्यवृत्तीची रक्कम विद्यार्थ्यांच्या बँक खात्यात थेट जमा होईल.
शैक्षणिक व्यवस्थेत पारदर्शकता
अपार आयडीमुळे शाळांमधील शिक्षक आणि विद्यार्थ्यांच्या संख्येत बोगस गिरीचे प्रमाण कमी होईल. अतिरिक्त शिक्षकांची नियुक्ती आणि शैक्षणिक गळतीचे कारण शोधणे सोपे होईल.
राष्ट्रीय उपक्रमाचा विस्तार
राज्यातील 65 लाख विद्यार्थ्यांना हे कार्ड आधीच दिले गेले आहे. 30 नोव्हेंबर 2024 पर्यंत सर्व विद्यार्थ्यांना अपार आयडी प्रदान करण्याचे लक्ष्य आहे. ‘अपार दिवस’ साजरा करून विशेष मोहिमेद्वारे हे कार्ड शाळांमध्ये तयार केले जात आहे.
अधिकृत माहिती
https://apaar.education.gov.in/ अधिकृत वेबसाइटवर जाऊन अपार आयडीशी संबंधित सर्व तपशील जाणून घ्या आणि तुमच्या शैक्षणिक प्रवासाचा भाग बनवा.
हे पण वाचा : Solar Pump Yojana: सोलर पंप योजनेत फसवणूक टाळण्यासाठी शेतकऱ्यांनी घ्यावी ही काळजी
